კორონავირუსის პანდემია და ექთნების შრომის ღირებულება

თითქმის 30 წელია, სამოქალაქო საზოგადოების ფონდის (ყოფილი ღია საზოგადოების ფონდის) გუნდი საქართველოს მოქალაქეების გაძლიერებისთვისა და განვითარებისთვის მუშაობს. სამოქალაქო საზოგადოების ფონდი არის პლატფორმა, სადაც ადამიანები, ორგანიზაციები თუ კოალიციები დემოკრატიული ცვლილებებისთვისა და საზოგადოებრივი სიკეთისთვის ერთიანდებიან.

ფონდი ახორციელებს პროექტებს და მხარს უჭერს ისეთ ინიციატივებს, რომელიც ემსახურება ადამიანის უფლებების დაცვას, სამოქალაქო ორგანიზაციების განვითარებას, მედიის დამოუკიდებლობას, ეთნიკური უმცირესობების და მარგინალური ჯგუფების ინტეგრაციას საზოგადოებაში, რეფორმების განხორციელებას ჯანდაცვის სფეროში და სოციალურ თანასწორობას.

ფონდი არის აქტიური წევრი სხვადასხვა დარგობრივი კოალიციებისა. გარდა ამისა, მას პარტნიორობას უწევენ სხვადასხვა არასამთავრობო ორგანიზაციები, რომლებთან ერთადაც ფონდმა აქტიური მონაწილეობა მიიღო ასოცირების ხელშეკრულების შესრულების ყოველწლიური სამოქმედო გეგმის შემუშავების პროცესში.

ვებ-გვერდი: https://csf.ge/

ფეისბუქი  |  იუთუბი  |  თვითერი

საქართველოს მეცნიერების, განათლებისა და კულტურის მუშაკთა პროფესიული კავშირი არის წევრობაზე დაფუძნებული დემოკრატიული ორგანიზაცია, რომელიც აერთიანებს მეცნიერების, განათლებისა და კულტურის სფეროში დასაქმებულ ადამიანებს, ერთიანი ძალისხმევით იცავს მათ სოციალურ, ეკონომიკურ და პროფესიულ უფლებებს. მიისწრაფვის წევრთა ყოველდღიური საცხოვრებელი და სამუშაო პირობების გაუმჯობესებისაკენ, წარმოადგენს მშრომელებს სასამართლოში და მესამე პირებთან.

ფეისბუქი

გილდია წარმოადგენს კულტურის სფეროში დასაქმებულ ადამიანთა დამოუკიდებელ პროფესიულ კავშირს.

გილდიას საქმიანობის სფერო ძირითადად მოიცავს კულტურის სფეროში დასაქმებულთა შრომითი უფლებებისა და თავისუფლებების შესწავლას, მონიტორინგსა და მათი დარღვევის შემთხვევაში დასაქმებულთა ადვოკატირებას.

გილდია განსაკუთრებით ორიენტირებულია საშემსრულებლო ხელოვნების სფეროზე.

ფეისბუქი

„დამოუკიდებელი პროფკავშირების ახალი გაერთიანება“ დაფუძნდა 2020 წლის 20 იანვარს. გაერთიანება დააფუძნა საქართველოში მოქმედმა დამოუკიდებელმა პროფკავშირებმა: “ერთობა 2013-მა”, “სოციალურ მუშაკთა გაერთიანებამ” და “სოლიდარობის ქსელმა”. ახალი გაერთიანება წარმოადგენს მშრომელთა მრავალფეროვან სპექტრს: მემანქანეებს, ექთნებს, სოციალურ მუშაკებს, ინტერნეტ ტექნოლოგიების სპეციალისტებს, სოციალურ აგენტებს, მასწავლებლებს, კურიერებს, მთარგმნელებს, მოლარეებს, ჟურნალისტებს და სხვა.

„პროფკავშირების ახალი გაერთიანების“ მიზანია გააძლიეროს მშრომელთა უფლებები და გააუმჯობესოს სამუშაო პირობები ახალი კავშირებისა და უკეთესი კანონმდებლობის შექმნით.

ვებ-გვერდი: https://www.gaertianeba.ge/

ფეისბუქი 

,,ერთობა 2013″ დაფუძნდა 2013 წელს, ,, თბილისის სატრანსპორტო კომპანიის” ელ. მემანქანეების მიერ. მისი სრული სახელია ,,თბილისის სატრანსპორტო კომპანიის” ელ მემანქანეთა და კომპანიაში სხვა პოზიციებზე დასაქმებულთა, დამოუკიდებელი პროფესიული კავშირი. ორგანიზაცია აერთიანებს 500-მდე მეტროს მშრომელს.

მმართველი ორგანოა გამგეობა 9 წევრის შემადგენლობით, მათ შორისაა თავმჯდომარე. გამგეობას ირჩევს წევრთა უმრავლესობა ფარული კენჭისყრით, თავმჯდომარეს კი – გამგეობა, ხმათა უმრავლესობის საფუძველზე.

პროფკავშირი გამოირჩევა როგორც სამართლებრივი საქმიანობის, ისე კოლექტიური დავების წარმართვის მნიშვნელოვანი გამოცდილებით. სწორედ ერთობა 2013-ის ორგანიზებით 2018 წელს მოეწყო მუშაკთა სრულმასშტაბიანი გაფიცვა. შედეგად, სატრანსპორტო კომპანიის ყველა თანამშრომელს მოემატა ანაზღაურება 10%-დან 35%-მდე.

აღსანიშნავია, რომ პროფკავშირს წევრებისათვის სოციალური დახმარების პაკეტი აქვს შემუშავებული. პაკეტი მოიცავს ფინანსურ დახმარებას პროფკავშირის წევრის შვილის შეძენის, წევრის ოპერაციის, გარდაცვალების ან მისი ოჯახის წევრის გარდაცვალების დროს.

ერთობა 2013 ახორციელებს წევრების იურიდიულ მხარდაჭერას, იბრძვის მშრომელთა ინტერესებისა და უფლებების გაუმჯობესებისათვის, აქვს წვლივი შრომის ინსპექციის შექმნისათვის ბრძოლაში, შრომის კანონის გაუმჯობესებაში.

ფეისბუქი  

“სოციალურ მუშაკთა გაერთიანება” დაფუძნდა 2019 წლის 8 აპრილს 61 სოციალური მუშაკის მიერ. ორგანიზაციას ამჟამად 100-ზე მეტი წევრი ჰყავს როგორც საჯარო სამსახურის, ისე არასამთავრობო სექტორის წარმომადგენელი სოციალური მუშაკები და სტუდენტები. პროფკავშირის წევრობისათვის აუცილებელია პირი აკმაყოფილებდეს ერთ კრიტერიუმს მაინც: დასაქმებული იყოს სოციალურ მუშაკად; არის სოციალური მუშაობის საგანმანათლებლო პროგრამის ნებისმიერი საფეხურის სტუდენტი; აქვს აკადემიური ხარისხი სოციალურ მუშაობაში; აქვს სოციალურ მუშაკად მუშაობის მინიმუმ ერთწლიანი გამოცდილება.

ორგანიზაციის საქმიანობის ძირითადი მიმართულებებია: სამართლებრივი კონსულტაცია, მხარდაჭერა ოჯახური ან სამსახურეობრივი სირთულეების დროს; „საქართველოს კანონის სოციალური მუშაობის შესახებ“ სამოქმედო გეგმის შესრულებაზე მონიტორინგი; შეხვედრები სტუდენტებთან და აბიტურიენტებთან; თანამშრომლობა მედიასაშუალებებთან, რათა სწორად გაშუქდეს სოციალური მუშაობის მისია და მანდატი; და სხვა.

ვებ-გვერდი: http://www.swunion.ge/?lang=ka

ფეისბუქი  |  ინსტაგრამი  |  იუთუბი

იგი წარმოადგენს საერთაშორისო არასამთავრობო ორგანიზაციას, რომელიც 1978 წელს ამერიკის შეერთებულ შტატებში დააარსდა. ორგანიზაცია იკვლევს და ავრცელებს ინფორმაციას მსოფლიოს მასშტაბით არსებული ძალადობის შესახებ. აღსანისნავია, რომ იგი ადამიანთა საკმაოდ დიდ გაერთიანებას წარმოადგენს, რომელთა შორისაც 550-ზე მეტი სხვადასხვა ეროვნების ექსპერტები, იურისტები, ჟურნალისტები და სხვა მრავალი პიროვნებაა თავმოყრილი. ამ ადამიანების მთავარი მიზანი კი დაუცველი უმცირესობების, ომის შედეგად დაზარალებული მშვიდობიანი მოსახლეობის, ლტოლვილებისა და მიუსაფარები ბავშვების დახმარებაა.

ორგანიზაცია აქტიურად მუშაობს იღწვის იმისათვის, რომ მოძალადენი წარსდგნენ მართლმსაჯულების წინაშე და სამართლიანად აგონ პასუხი თავიანთ დანაშაულზე.

ორგანიზაცია მკაცრ უარს განაცხადებს ნებისმიერი სახის შემოწირულობაზე მთავრობათა მხრიდან. მის დაფინანსებას უზრუნველყოფენ კერძო პირები და ფონდები მსოფლიოს სხვადასხვა კუთხიდან.

ვებ-გვერდი: https://www.hrw.org/

ფეისბუქი  |  ინსტაგრამი  |  იუთუბი  |  თვითერი

საქართველოს ახალგაზრდა იურისტთა ასოციაცია გახლავთ საზოგადოებრივი ორგანიზაცია. საქმიანობა დაიწყო როგორც პროფესიონალ იურისტთა გაერთიანებამ, რომელმაც მიზნად დაისახა იურისტის პროფესიის გარშემო არსებული უარყოფითი სტერეოტიპის შეცვლა და საკუთარი პროფესიონალიზმის, კომპეტენტურობისა და საქმიანობის მაგალითზე იურიდიული პროფესიის განვითარების ხელშეწყობა, ადამიანის უფლებათადაცვა, სამართლებრივი სახელმწიფოს ჩამოყალიბებისა და სამოქალაქო საზოგადოების განვითარების მხარდაჭერა.

საია დაფუძნდა 1994 წელს. იგი წარმოადგენს წევრობაზე დაფუძნებულ ორგანიზაციას. დღესდღეობით „საია“ 700-მდე წევრს აერთიანებს.

წლების განმავლობაში ორგანიზაცია ახორციელებს საქმიანობას შემდეგი მთავარი მიმართულებებით: უფასო იურიდიული დახმარების სისტემის განვითარება; იურიდიული სწავლება და სამოქალაქო განათლება; საქართველოს კანონმდებლობის სრულყოფა; უფლებადარღვეულ მოქალაქეთა სასამართლო წარმომადგენლობა და სტრატეგიული სამართალწარმოება; იურისტთა პროფესიული დაოსტატება; სამოქალაქო საზოგადოების განვითარება; ინფორმაციის თავისუფლებისა და გამჭვირვალეობის ხელშეწყობა.

ვებ-გვერდი: https://gyla.ge/ge

ფეისბუქი  |  იუთუბი  |  თვითერი

პროფკავშირი – სოლიდარობის ქსელი აერთიანებს ჯანდაცვის, ზრუნვისა და მომსახურების სფეროებში დასაქმებულ მშრომელებს. „სოლიდარობის ქსელის“ იდეა 5 წლის წინ დაიბადა. 2015 წლიდან დღემდე მრავალი გამოცდილების დაგროვებისა და შრომის საკითხების საზოგადოებაში პოპულარიზებასთან ერთად ორგანიზაციამ მოახერხა დახმარებოდა უამრავ ადამიანს, ხოლო 2017 წლიდან კი, უკვე როგორც მომსახურებისა და ჯანდაცვის სფეროში დასაქმებულთა პროფკავშირი იბრძვის მშრომელთა გამარჯვებისათვის.

დღესდღეობით, პროფკავშირი დიდი გამოცდილებით გამოირჩევა დასაქმებულთა ინტერესების დაცვის მიმართულებით, ეს არის კოლექტიური ხელშეკრულების გაფორმების პროცესი, კანონპროექტების წერა, სასამართლო დავები თუ გაფიცვების ორგანიზება.

ვებ-გვერდი: http://solnet.ge/

ფეისბუქი  |  თვითერი

სოციალური სამართლიანობის ცენტრი (ყოფილი EMC) დაარსდა 2012 წელს და წარმოადგენს ადამიანის უფლებებსა და სოციალურ სამართლიანობაზე მომუშავე მემარცხენე ორგანიზაციას, რომლის მიზანია, გამოავლინოს ეკონომიკური, სოციალური და პოლიტიკური უსამართლობის სტრუქტურული მიზეზები, გაავრცელოს კრიტიკული ცოდნა და ხელი შეუწყოს არსებული წესრიგის დემოკრატიული გზებით გარდაქმნას.

ცენტრის ყოველდღიური საქმიანობა, სამუშაო ეთიკა, მეთოდები და სტრატეგიები ემყარება მონაწილეობის, თანასწორობისა და სოლიდარობის იდეებს. ორგანიზაციის საქმიანობა რამდენიმე ძირითად მიმართულებას მოიცავს, რომელთა შორისაა:შრომის უფლება, რელიგიის თავისუფლება, ნარკოპოლიტიკა, სასამართლო სისტემა, უფლება საცხოვრებელზე, სამართალდამცავი სისტემა, ლგბტი უფლებები, უსაფრთხოების სექტორი, პოლიტიკა და ადამიანის უფლებები კონფლიქტის რეგიონებში, სისხლის სამართლის მართლმსაჯულება, კრიტიკული ფემინისტური აზრი, შეზღუდული შესაძლებლობის მქონე პირთა უფლებები, სოციალური სამართლიანობა, ეთნიკური უმცირესობები, ანტიდისკრიმინაციული პოლიტიკა, სოციალური მოძრაობები, დეკოლონიური პერსპექტივები, ქალთა უფლებები და სხვა.

სოციალური სამართლიანობის ცენტრის მართვის წესი ჰორიზონტალური და დემოკრატიულია; მას კოლექტიურად მართავს დირექტორთა საბჭო. მნიშვნელოვანი გადაწყვეტილებები თანამშრომლებთან დისკუსიის გზით მიიღება.

ვებ-გვერდი: https://socialjustice.org.ge/

ლინკდინი  |  ფეისბუქი  |  იუთუბი  |  თვითერი